Буюртмачи: “Chorvoq Resort Complex” МЧЖ
Объект манзили: Тошкент вилояти, Бўстонлиқ тумани, Фазогир МФЙ, 477-уй.
“Chorvoq Resort Complex” МЧЖ “Чорвоқ дарвозаси” мажмуасида жойлашган турар жой хонадонлари объектлари ва аквапарк мажмуасининг бозор қийматини аниқлаш мақсадида профессионал баҳоловчи ташкилотлари ўртасида танлов эълон қилади.
- Лойиҳанинг дастлабки тавсифи.
«Чорвоқ дарвозаси» мажмуасида жойлашган бинолар, иншоотлар ва бошқа мол-мулк объектларининг бозор қийматини аниқлаш мақсадида баҳолаш ишларини амалга ошириш назарда тутилган. Баҳолаш натижалари асосида амалдаги қонунчилик талабларига мувофиқ баҳолаш ҳисоботини тайёрлаш ҳамда объектларнинг жорий бозор қийматини белгилаш;
Баҳоловчи ташкилот қуйидагилар учун тўлиқ жавобгар бўлади:
- баҳолаш ишларини амалдаги қонунчилик ва баҳолаш фаолияти стандартлари талабларига мувофиқ амалга ошириш;
- баҳолаш жараёнида фойдаланилган маълумотлар ва ҳисоб-китобларнинг ҳаққонийлиги ҳамда асослилиги;
- баҳолаш ҳисоботининг тўғрилиги, тўлиқлиги ва ишончлилиги;
- баҳолаш натижалари бўйича тайёрланган ҳисоботни белгиланган муддатларда буюртмачига тақдим этиш;
- баҳолаш жараёнида олинган маълумотларнинг махфийлигини таъминлаш;
- баҳолаш натижасида аниқланган объект қийматининг бозор ҳолатига мувофиқлиги ҳамда ҳисоботда келтирилган хулосаларнинг асослилиги;
- Тижорат таклифи бўйича талаблар
Иштирокчилар томонидан тақдим этиладиган таклифлар қуйидаги талабларга жавоб бериши шарт:
- Нарх: Хизматларнинг умумий қиймати миллий валютада (сўмда) кўрсатилиши, унга барча солиқлар, йиғимлар ва бошқа харажатлар киритилган бўлиши лозим.
- Муддатлар: Хизматларни бажариш муддатлари аниқ белгиланиши шарт.
- Малака ва тажриба:
- Баҳолаш фаолияти билан камида 5-10 йилдан буён шуғулланиб келаётган бўлиши;
- Баҳоловчи ташкилот “А” рейтинг даражасига (ёки иштирокчининг молиявий барқарорлиги ва ишончлилигини тасдиқловчи муқобил халқаро/миллий рейтингга) эга бўлиши;
- Штатда 5-10 йилдан ортиқ иш тажрибасига эга бўлган малакали баҳоловчиларнинг мавжудлиги;
- Баҳолаш фаолияти бўйича камида 2 млрд сўмлик суғурта полисининг мавжудлиги;
- Бизнес ва кўчмас мулк объектларини баҳолаш бўйича тегишли тажрибага эга бўлиш;
- Буюртмачи ёки банк муассасалари билан ишлаш тажрибасининг мавжудлиги.
- Таклифлар таркиби ва баҳолаш мезонлари
Таклифлар таркибида қуйидаги ҳужжатлар бўлиши шарт:
- Юридик шахснинг тўлиқ маълумотлари (номи, манзили, банк реквизитлари);
- Баҳолаш фаолияти учун лицензия ва сертификатлар нусхалари;
- Охирги 3 йил давомида давлат ва хусусий секторда амалга оширилган йирик лойиҳалар портфели;
- Ташкилотнинг “А” рейтинг даражаси, лицензия ва сертификатларнинг мавжудлиги, фаолият муддати ва суғурта ҳимояси;
- инвестиция лойиҳалари ва йирик кўчмас мулк объектларини баҳолаш тажрибаси;
- Баҳоловчиларнинг малакасини тасдиқловчи ҳужжатлар.
- Ҳужжатларни қабул қилиш тартиби
Таклифлар ёзма равишда, муҳр ва корхона раҳбарининг имзоси билан тасдиқланган ҳолда, 2026 йил “26” июнь соат 18:00 гача қабул қилинади.
Манзил: Тошкент вилояти, Бўстонлиқ тумани, Фазогир МФЙ, 477-уй.
Электрон почта: jkuchkarov@nbuig.uz
Алоқа телефони: Аминбаев Жасурбек, тел.: (+99895) 214-44-66
Почта манзили: Ўзбекистон, Тошкент, 100060, Я.Ғуломов кўчаси, 95-уй.